رجسٹریشن کے بغیر ڈرون کیمروں کے استعمال پر پابندی

ریاست اتر پردیش کے غازی آباد ضلع انتظامیہ نے بغیر رجسٹریشن کے ڈرون کیمروں کے استعمال پر پابندی عائد کردی ہے۔ یہ اقدام حکومت کی ہدایت کے بعد اٹھایا گیا ہے۔ ایسی صورتحال میں کاروبار یا ڈرون کیمروں کے استعمال کے لئے رجسٹریشن لازمی ہوگا۔

ضلع مجسٹریٹ اجے شنکر پانڈے نے بتایا کہ 'حکومت کی جانب سے ڈرون کیمروں سے متعلق ہدایات کے بعد یہ نیا نظام نافذ کیا گیا ہے۔ اس کے تحت ضلع میں اے ڈی ایم سٹی آفس میں رجسٹریشن کے بعد ہی اس کا استعمال کیا جاسکتا ہے۔'

ڈسٹرکٹ مجسٹریٹ نے مزید کہا کہ 'رجسٹریشن کا فائدہ یہ بھی ہوگا کہ افسران کے پاس اس بات کی تفصیلات ہوں گی کہ ضلع میں کتنے ڈرون ہیں۔ ایسی صورتحال میں انتظامیہ ضرورت پڑنے پر اس کا استعمال بھی کرسکتی ہے۔ نیز یہ سیکیورٹی کے نقطہ نظر سے بھی بہت اہم ہے۔'