بنارس کے متعدد علاقے سیل

اترپردیش کے وزیراعلی یوگی آدتیہ ناتھ کے 15 اضلاع کو مکمل طور پر سیل کرنے والے حکم کے بعد بنارس کے ضلع مجسٹریٹ کوشل راج شرما نے کہا کہ ضلع کے ان علاقوں کو سیل کیا گیا ہے جہاں کورونا وائرس کے کیسز سامنے آئے ہیں۔

ان علاقوں میں روز مرہ کی اشیاء کی دوکانوں کو فقط ایک گھنٹے کے لیے کھولا جائے گا بقیہ ضلع کے دیگر مقامات میں اسی طرح کا لاک ڈاؤن رہے گا جیسے پہلے تھا اس میں کوئی بھی تبدیلی نہیں کی گئی ہے۔

انہوں نے سوشل میڈیا کے تعلق سے کہا کہ افواہوں پر دھیان نہ دیں، شہر میں پولیس اور ڈرون کیمرہ کے ذریعے سخت نگرانی کی جارہی ہے لاک ڈاؤن کے سلسلے میں روزانہ سخت کاروائی ہورہی ہے۔