ریاست اترپردیش کے ضلع مظفر نگر کے مختلف روٹری کلبوں کے مشترکہ سرپرستی میں 4000 فوڈ پیکٹوں کو ضلع انتظامیہ کے حوالے کیا گیا۔
ان مشکل حالات میں پھنسے بے سہارا اور غریب لوگوں کے لیے کھانے کا بندوبست کیا گیا۔ اس انتظام کے تحت روٹری کلبوں کی جانب سے اگلے 10 دن تک غریب اور لاچار لوگوں میں روزانہ 400 کھانے کے پیکٹ تقسیم کیے جائیں گے۔
ایسے عجیب و غریب حالات میں جب پورا ملک تنزلی کا شکار ہے، اس کام کو کامیاب بنانے کے لیے ضلع انتظامیہ کے مطالبے پر ہمارے ساتھی روٹریئن سنیل اگروال، روٹریئن دیویندر کمار، روٹریئن انوج سوروپ اور سینئر روٹریئن ڈاکٹر ایم ایل گرگ کی کاوشیں قابلے تعریف ہیں۔
سنیل اگروال نے کہا کہ ہمارے دوسرے کلبوں کے ساتھیوں نے ضلع انتظامیہ کے سپرد کردہ اس ذمہ داری کو خوشی خوشی قبول کیا ہے۔ ہم ضلع انتظامیہ کو یقین دلاتے ہیں کہ جب بھی انہیں ہماری ضرورت ہوگی ہم مستقبل میں ان کے ساتھ تعاون کریں گے۔
انہوں کہا کہ کورونا وائرس کو پھیلنے سے روکنے کے لیے ملک میں جاری لاک ڈاؤن کے بیچ کوئی بھی بھوکا نہیں رہے گا اور جب بھی کسی کو کچھ بھی ضرورت ہو وہ ہم تک خبر پہنچائیں ان تک ہم ضروری چیزیں جلد سے جلد پہنچائیں گے۔