دیوالی ہندو مذہب میں سب سے بڑا تہوار مانا جاتا ہے اور اس کو روشنی کے طور پر منایا جاتا ہے اس کا مقصد بھی یہی ہے کہ اس کی روشنی سے سبھی کے گھروں کو روشن کیا جاسکے۔
اسی مقصد کے پیش نظر میرٹھ میں 'پرندے' نام کی سماجی تنظیم نے دیوالی پر غریبوں کی مدد کرکے ان کے گھروں میں بھی دیوالی کی خوشی لوٹانے کی کوشش کی ہے۔
ریاست اترپردیش کے ضلع میرٹھ کی غریب بستی جہاں اُن لوگوں کو دو وقت کی روٹی بھی میسر نہیں ہوپاتی بچوں کو تہواروں کی خوشیوں کا احساس بھی نہیں ہو پا تا ہے ایسے میں سماجی تنظیم پرندے کے اراکین نے 400 گھروں کی مدد سے سامان جمع کرکے بستی میں رہنے والے افراد اور ان کے بچوں میں ضروری سامان تقسیم کیا تاکہ یہ لوگ بھی دیوالی کے تہوار کو اپنے گھر میں مناسکیں اور اِس کی روشنی سے اپنے گھر کو بھی روشن کرسکیں۔
میرٹھ میں یہ تنظیم تقریباً دو برس سے سماج کے ہر طبقے کے غریبوں کی مدد کررہی جبکہ اس تنظیم کا مقصد بھی یہی ہے کہ وہ کوڈ-19 جیسے حالات میں جہاں لوگ ایسی بستیوں سے کنارہ کر رہے ہیں جس کی وجہ سے ان غریبوں تک کوئی مدد نہیں پہنچ پاتی ایسے میں اس تنظیم کے ممبران نے ان کی بستی میں جاکر ان کو ہر ممکن مدد پہنچا رہے ہیں۔