بارش نہیں ہونے سے مرچ کی پیداوار میں کمی

مرادآباد میں مرچ کی کھیتی کی جاتی ہے، یہاں کا مرچ کئی صوبوں میں بھیجا جاتا ہے۔ اس بار وقت پر بارش نہیں ہونے سے مرچ کے کاشت کاروں کے اندر مایوسی چھائی ہوئی ہے۔

کھانے کو لذیذ اور ذائقہ دار بنانے کے لیے جس ہری مرچ کا استعمال کیا جاتا ہے اس کی پیداوار مرادآباد اور رامپور میں سب سے زیادہ ہوتی ہے۔

اس سال بارش نہیں ہونے سے ہری مرچ کی پیداوار اچھی نہیں ہوئی ہے۔

نمائندہ ای ٹی وی بھارت نے ہری مرچ کی کھیتی کرنے والے کاشت کاروں سے بات کی، انہوں نے بتایا کہ اس بار ہری مرچ کی کھیتی اچھی نہیں ہوئی ہے۔ یہاں سے کئی صوبوں پنجاب، دہلی، ہریانہ، اتراکھنڈ، بہار، مہاراشٹر اور دیگر جگہیں مرچ بھیجی جاتی ہیں۔

ہری مرچ کے پودے جولائی میں لگائے جاتے ہیں اور تقریبا تین سے چار بار فصل توڑی جاتی ہے۔ اچھی بارش ہونے سے مرچ کی پیداوار اچھی ہوتی ہے لیکن اس بار بارش نہ ہونے کی وجہ سے مرچ کی کھیتی کی اچھی فصل نہیں ہوئی ہے۔ جس سے کاشت کاروں کے اندر مایوسی چھائی ہوئی ہے۔