اترپردیش مدرسہ تعلیمی بورڈ امتحانات کے نتائج بھی یو پی ایجوکیشن بورڈ کے طرز پر جاری کئے جائیں گے۔ اس ضمن میں اترپردیش کے ہر ضلع سے رپورٹ طلب کی گئی ہے۔ اقلیتی فلاح و بہبود آفیسر مئو کے مطابق انٹرمیڈیٹ لیول تک کے درجات کی تفصیل اترپردیش مدرسہ تعلیمی بورڈ کی جانب سے منگائی گئی ہے۔
یو پی مدرسہ بورڈ کے نتائج، ایجوکیشن بورڈ کے طرز پر جاری کرنے کا فیصلہ
وہیں مئو کے عربیہ مدارس میں زیرتعلیم طلبا کی تفصیل بھیجی جا رہی ہے۔ اقلیتی فلاح و بہبود آفیسر نے بتایاکہ انٹرمیڈیٹ سے اعلی درجات کے لیے آن لائن امتحان کی تیاری کی جارہی ہے۔ اس سلسلے میں حکومت کی گائیڈ لائن کا انتظار ہے۔