ریاست اترپردیش کے ضلع پرتاپگڑھ کے تھانہ کوہنڈور علاقے کے پورے سیوکی گاؤں میں سسرال میں دعوت پر آئے شوہر و بیوی دونوں کی مشتبہ حالات میں موت ہوگئی ۔
ایس ایچ او بچہ لال نے آج بتایا کہ تھانہ کوتوالی لال گنج علاقے کے کھرگ پور گاؤں کے رہائشی سونو(32) اپنی اہلیہ پشپا (31) کے ساتھ سسرال پوری سیوکی گاؤں اپنے برادر نسبتی کی شادی میں شرکت کے لیے آیا تھا۔ جمعہ کو دونوں کی طبیعت خراب ہونے کے سبب علاج کے لیے یہاں میڈیکل کالج لایا گیا جہاں ڈاکٹروں نے دونوں کو مردہ قرار دے دیا۔ وہیں سسرال والے لاش لےکر گھر چلے گئے تھے۔
موصولہ اطلاع کی بنیاد پر لاش کو قبضے میں لےکر پوسٹمارٹم کے لئے بھیج دیا گیا ہے۔ پوسٹمارٹم رپورٹ آنے پر ہی موت کا سبب معلوم ہو سکے گا، اسی بنیاد پر قانونی کارروائی کی جائے گی۔