ریاست اترپردیش کے ضلع بریلی میں جنسی زیادتی کی شکار سات ماہ کی حاملہ لڑکی نے علاج کے دوران ڈسٹرکٹ ہسپتال میں دم توڑ دیا۔ اسے گذشتہ روز ہسپتال میں داخل کرایا گیا تھا۔
ملزم بنباری لال کو پہلے ہی گرفتار کرکے جیل بھیج دیا گیا ہے۔
متاثرہ لڑکی کے والد کے مطابق، ملزم نے اس کی بیٹی سے متعدد بار جنسی زیادتی کی تھی۔ وہ سات ماہ کی حاملہ تھی۔
یہ بھی پڑھیں: 'کانگریس کا اتحاد عوام کے ساتھ۔'
بریلی ڈسٹرکٹ ہسپتال کے ایک سینئر ڈاکٹر آر کے گپتا نے بتایا کہ جب ہفتے کے روز اسے ہسپتال لایا گیا تو بچی کی حالت تشویشناک تھی۔
بریلی کے سینئر سپرنٹنڈنٹ آف پولیس روہت سنگھ سجوان نے کہا کہ بچوں سے متعلق جنسی تحفظات (پی او سی ایس او) ایکٹ کے تحت فتح گنج ویسٹ پولیس اسٹیشن میں ایک مقدمہ درج کیا گیا ہے اور پوسٹ مارٹم کے بعد ہی موت کی اصل وجہ کا پتہ چل سکے گا۔