ریاست اُتر پردیش کے ضلع بہرائچ کے درگاہ شریف میں زیارت کے لئے آیا ایک اہل خانہ گزشتہ 15 دنوں سے درگاہ احاطے میں قیام پزیر تھا۔ گزشتہ رات سبھی افرادِ خانہ سو رہے تھے اور جب صبح آنکھ کھلی تو چار سالہ بچی غائب ملی۔
چار سالہ بچی کی لاش شکوک حالت میں پائی گئی پریشان اہل خانہ نے جب بچی کی تلاش شروع کی تو کچھ دور جھاڑیوں میں بچی کی لاش برآمد ہوئی۔
مقامی لوگوں نے فوری طور پر معاملے کی اطلاع پولیس کو دی۔ پولیس موقع پر پہنچ گئی اور تحقیقات شروع کردی ہے۔
واضح رہے آج ہی بہرائچ کے نئے پولیس کپتان نے اپنا عہدہ سنبھالا اور اج ہی جرم نے دستک دی۔
پولیس کے مطابق موت کی وجہ پوسٹ مارٹم رپورٹ آنے کے بعد ہی پتا چل سکتی ہے۔ پولیس کپتان وپن کمار مشرا نے موقع پر پہنچ کر کارروائی کی ہدایت دی اور جلد ہی تحقیقات کر کے معاملہ کو منطقی انجام تک پہنچانے کا یقین دلایا۔
تھانہ درگاہ کی پولیس معاملہ کی تحقیق میں لگ گئی ہے۔ لاش کو قبضہ میں لے کر پوسٹ مارٹم کے لئے بھیج دیا گیا ہے۔ پولیس کے مطابق اہلخانہ کے تعلق ضلع شراوستی سے ہے۔
