جونپور: اترپردیش کے ضلع جونپور کے بدلاپور کوتوالی علاقے میں ایک نوجوان کی مشتبہ حالت میں لاش برآمد ہوئی ہے۔ پولیس نے اس ضمن میں نامزد چار ملزمین کو گرفتار کیا ہے۔ پولیس ذرائع نے بدھ کو بتایا کہ بدلاپور کوتوالی واقع بلوا باشندہ رونق یادو(24)کا گاؤں کی ہی ایک لڑکی سے معاشقہ چل رہا تھا۔ منگل اور بدھ کی نصف رات رونق کے لہولہان حالت میں سڑک پر پڑے ہونے کی پی آر بی ٹیم کو اطلاع ملی۔ٹیم نے موقع واردات پر پہنچ کر زخمی کو فورا پی اے سی بدلاپور لے کر پہنچی وہاں ڈاکٹروں نے رونق کو مردہ قرار دے دیا۔
لاش کو دیکھنے کے بعد اس بات کے شبہات کا اظہار کیا گیا ہے کہ نوجوان کا بے رحمی سے پیٹ پیٹ کر قتل کیا گیا ہے۔ رونق کی بہن نے چار افراد کے خلاف نامزد تحریر دی ہے۔ پولیس نے تحریر کی بنیاد پر مقدمہ درج کرتے ہوئے چاروں کو گرفتار کرلیا ہے۔سی او بدلاپور شبھم تودی نے بتایا کہ پی آر وی ٹیم کو سڑک کے کنارے کسی نوجوان کے زخمی حالت میں پڑے ہونے کی اطلاع ملی تھی۔موقع پر پہنچ کر ٹیم نے زخمی کو سی ایچ سی میں داخل کرایا جہاں ڈاکٹروں نے نوجوان کو مردہ قرار دے دیا۔متوفی کی شناخت رونق یادو کی طور پر کی گئی ہے۔