بارہ بنکی: دوہرے قتل کا معمہ حل

بارہ بنکی شہر کوتوالی حلقہ میں گزشتہ 5 دنوں قبل ہوئے دوہرے قتل کا معمہ پولس نے آخرکار حل کر لیا ہے۔

پولیس کے مطابق مارے گئے دونوں نوجوانوں کا قتل ان کے دوستوں نے ہی کیا ہے، پولس نے دونوں ملزموں کو گرفتار بھی کر لیا ہے۔ پولس اس معاملے کی تحقیقات ابھی بھی جاری رکھے گی، کیوں کہ اس میں ابھی اور کئی طرح کے انکشافات سامنے آسکتے ہیں۔

ایس پی آکاش تومر کے مطابق 14 جولائی کو شہر کوتوالی حلقہ کے فرستی پور کے رہنے والے میوا لال نے پولس کو اطلاع دی تھی کہ اس بیٹے پپو یادو کو اس کے دوست کرن اور سرویش 12 جولائی کو گھر سے بلا کر لے گئے اور دونوں نے اپنے ساتھی سہج رام کے ساتھ مل کر اس کا قتل کر دیا ہے اور اس کی لاش ریٹھ ندی میں فیک دی ہے۔ پپو یادو کی لاش ریٹھ ندی سے برآمد ہوئی تھی۔

دوسری جانب جہانگرا باد تھانہ حلقے کے کٹرہ گاؤن کے رہنے والے پرشورام نے شہر کوتوالی میں اطلاع دی تھی کہ ان کا بیٹا سرویش یادو 12 جولائی کو کرن اور پپو کے ساتھ گیا تھا۔ اس کی لاش 15 جولائی کو ریٹھ ندی سے برآمد ہوئی ہے۔ پرشورام نے کرن اور اس کے ساتھیوں کو نامزد کیا تھا۔

پولس اس معاملے کی تفتیش کر رہی تھی. پولس نے اس معاملے میں کرن اور اس کے ساتھی ونئے یادو کو گرفتار کر لیا ہے۔ پولس نے کرن کی گرفتاری کے لیے 25000 کے انعام کا بھی اعلان کیا ہے۔

پولس کے مطابق دونوں مقتول نے گرفتار کرنے اور ونئے کے ساتھ خوب شراب پی رکھی تھی۔ نشے کے دوران چاروں میں لڑائی ہوئی اور ندی قریب تھی جس کی وجہ سے ڈوب کر دونوں کی موت ہو گئی۔