Dastar Bandi Ceremony In Moradabad مذہبی تعلیم کے ساتھ ساتھ ٹیکنالوجی کی تعلیم کی ضرورت

مدرسہ جامعہ اکرم العلوم کے منیجر مفتی منان کلیمی نے دستاربندی پروگرام کو خطاب کرتے ہوئے کہاکہ آج کا دور ٹیکنالوجی ہے۔ اس لئے ہمیں دینی تعلیم کے ساتھ ٹیکنالوجی کی تعلیم بھی حاصل کرنی چاہیے، مدرسہ میں زیرتعلیم طالب علموں کو کمپیوٹر کی تربیت بھی حاصل کی ہے۔ Dastar Bandi Ceremony In Moradabad

مرادآباد:اترپردیش کے مرادآباد میں لال مسجد محلے میں واقع مدرسہ جامعہ اکرم العلوم کے احاطے میں دستار بندی کی تقریب کا انعقاد کیا گیا۔جلسہ دستاربندی کا آغاز تلاوت قرآن پاک سے ہوا۔اس موقع پر نعتیں منقبت کی محفل کا اہتمام کیا گیا۔ مقامی شعراء کرام نے حضرت محمد صلی اللہ علیہ وسلم کی شان میں نعتیہ کلام پیش کیا۔ جلسہ دستار بندی کے موقع پر تقریباً 28 طلبہ کو دستار بندی کی گئی ۔ان 28 طلبہ میں سے ایک مفتی، گیارہ فاضل، چھ عامل، ایک قاری، دس حافظ طلبہ کو ڈگریوں سے نوازا گیا۔

اسلامی تعلیمات پر روشنی ڈالتے ہوئے علمائے اکرام نے کہا کہ دین اسلام ہمیں انسانیت اور لوگوں کی مدد کرنے کا درس دیتا ہے، ہمیں ہر ایک کے ساتھ محبت سے پیش آنا چاہیے۔ ہر ایک کی مشکل میں مدد کرنی چاہیے۔ایک دوسرے کی مدد کرنے سے ہی معاشرے میں تبدیلی آ سکتی ہے۔

مدرسہ جامعہ اکرم العلوم کے منیجر مفتی منان کلیمی نے تعلیم پر روشنی ڈالتے ہوئے کہا کہ موجودہ دور مئں جدید ٹیکنالوجی زندگی لازمی حصہ بن چکا ہے ۔اس لئے ہمیں دینی تعلیم کے ساتھ ٹیکنالوجی کی دنیا کا بھی ماہر بننے کی کوشش کرنی چاہئے۔اس درمیان مدرسہ کے طالب علموں کو کمپیوٹر کی تربیت بھی حاصل کرنے کی ضرورت ہے۔

پروگرام کی صدارت مفتی اعلیٰ حضرت علامہ اشرف نے کی۔نظامت شجاعت علی اشرفی اور رضوان الرحمٰن نے مشترکہ طور پر کی۔اس موقع پر مفتی منان کلیمی، مولانا مفتی قاسم رضا اکرمی، مفتی اقبال سیفی، محمد ارمان علی، جمیرالحق بنگال سمیت کثیر تعداد میں لوگ موجود تھے۔