’’جرائم پیشہ افراد کو کسی قیمت پر بخشا نہیں جائے گا‘‘

ریاست اترپردیش کے ضلع سہارنپور میں پولیس کی جانب سے گنگیسٹر کے خلاف سخت کارروائی شروع ہوگئی ہے۔

پولیس نے اب تک 132گینگسٹر کے خلاف سخت کارروائی کی ہے، جب کہ سیکڑوں جرائم پیشہ افراد پولیس کی راڈار پر ہیں اور ساتھ ہی ایسے جرائم پیشہ افراد کی جائیدادوں کی بھی جانچ کی جارہی ہے۔

گزشتہ دنوں کانپور کے بکرو گاؤں میں 8 پولیس اہلکاروں کے قتل کے بعد ریاست کی پولیس فعال نظر آرہی ہے۔

پولیس نے جرائم پیشہ افراد کی گرفتاری کے لئے بھی مہم چلائی ہوئی ہے، اب ریاستی پولیس بھی ایسے جرائم پیشہ افراد کے خلاف قہر بن کر ٹوٹ رہی ہے، ضلع میں بھی ایسے افراد کی تلاش کی جارہی ہے جو پیشہ آور بدمعاش ہیں۔

واضح ہو کہ کانپور کے بکرو گاؤں میں گنگیسٹر وکاس دوبے کی جانب سے 8پولیس اہلکاروں کے قتل کے بعد پولیس محکمے میں افراتفری مچی ہوئی ہے۔

وزیر اعلیٰ اترپردیش یوگی آدتیہ ناتھ بھی اس مسئلے میں سنجیدہ نظر آرہے ہیں اور انہو ں نے ریاست کے سبھی بڑے افسران کو ہدایت جاری کی ہے کہ کوئی بھی جرائم پیشہ افراد بچ نہ پائے۔

جس کے بعدپولیس نے وکاس دوبے سمیت اس کے گینگ کے کئی ساتھیوں کو انجام تک پہنچادیا اور ساتھ ہی ساتھ اترپردیش پولیس متحرک نظر آرہی ہے اور جرائم پیشہ افراد کے خلاف سخت کارروائی کی جارہی ہے۔

اسی تناظر میں سہارنپور پولیس بھی ایسے جرائم پیشہ افرا دکے خلاف سخت ایکشن لیتی ہوئی نظرآرہی ہے۔

اس سلسلے میںایس ایس پی سہارنپور ڈاکٹر ایس چننپانے بتایا کہ ابھی تک تقریباً ضلع میں 132گینکسٹر کے خلاف سخت کارروائی کی جاچکی ہے اور تقریباً 450جرائم پیشہ افراد کی نشاندہی کی گئی ہے۔

ان سبھی افراد کی جائیدادوں کی بھی نشاندہی کی جارہی ہے اور اس کی جانچ شروع کردی گئی ہے اور ان کی جائیدادوں کی قرق کرنے کی بھی کارروائی عمل میں لائی جائے گی۔

انہوں نے کہا کہ جو بھی اس قسم کے افراد ہیں ان پر بھی نظر رکھی جارہی ہے، ایسے افراد کو بخشا نہیں جائے گا۔

انھوں نے کہا کہ جو لوگوں کی زمینوں پر قبضہ کرنے اور لوگوں کو خوفزدہ کرنے کا کام کررہے ہیں۔

انہو ں نے کہا کہ اس سلسلے میں ضلع کے سبھی تھانہ انچارجوں کو ہدایت دی جاچکی ہے کہ علاقہ میں کوئی بھی افراد اگر اس قسم کا نظر آئے تو اس کے خلاف سخت قانونی کارروائی عمل میں لاکر اسے سلاخوں کے پیچھے ڈالا جائے۔