اترپردیش: بھدوہی تصادم میں انعامی بدمعاش ہلاک

ریاست اترپردیش کے ضلع بھدوہی میں پولیس نے انکاؤنٹر میں ایک انعامی بدمعاش کو مار گرایا۔

بھدوہی میں مجرموں اور اترپردیش پولیس کے مابین پیر کی رات مبینہ طور پر ایک انکاؤنٹر ہوا۔ پولیس نے ایک انعامی مجرم کو ہلاک کردیا۔ اس مجرم کو گرفتار کرنے کے لیے پولیس نے پچاس ہزار روپے کا انعام بھی رکھا تھا۔

فائرنگ کے دوران ایک مجرم موقع سے فرار ہونے میں کامیاب ہوگیا۔ پولیس اس کی گرفتاری میں سرگرم ہے۔

ایک پولیس افسر نے بتایا ، "فائرنگ کے تبادلے کے دوران ایک پولیس اہلکار بھی زخمی ہوا ہے۔ دوسرا مجرم جو ہلاک شدہ بدمعاش کے ساتھ تھا فرار ہونے میں کامیاب ہوگیا، اس کی گرفتاری کے لیے کوششیں جاری ہیں۔"

اس معاملے میں مزید تفتیش جاری ہے۔