مئو: ترقیاتی کاموں میں بدعنوانی کا سنگین الزام

مئو کے نصف درجن سے زائد کاؤنسلرز نے میونسپل کاؤنسل کے ترقیاتی کاموں میں بدعنوانی کا سنگین الزام عائد کیا ہے۔

کاؤنسلرز کا کہنا ہے کہ ترقیاتی کاموں میں طے شدہ معیار کو در کنار کر دیا گیا ہے۔ کنٹریکٹرز کی نگرانی بھی نہیں کی جا رہی ہے۔ کاؤنسلرز نے ضلع مجسٹریٹ کو ایک میمورنڈم ارسال کیا ہے۔

کاؤنسلرز نے بدعنوانی کے سنگین الزامات کی تحقیقات کرائے جانے کا مطالبہ کیا ہے۔ انہوں نے ایک کاپی اترپردیش کے وزیر اعلی یوگی آدتیہ ناتھ کو بھی ارسال کی ہے۔ کاؤنسلرز نے اپنے وارڈ میں بغیر ترقیاتی کام کیے کروڑوں روپے کی بدعنوانی کا الزام عائد کیا ہے۔