علی گڑھ میں کورونا کے 99 نئے کیسز

اے ایم یو کے جواہرلال نہرو میڈیکل کالج اور پرائیویٹ لیب سے آئی رپورٹ کے مطابق '18 پی ایس سی جوان، 7 بینک ملازمین سمیت 99 کورونا رپورٹ مثبت پائی گئی۔'

ریاست اترپردیش کے ضلع علی گڑھ میں کورونا کے 99 نئے کیسز ملنے کے بعد ضلع میں کورونا مریضوں کی مجموعی تعداد بڑھ کر 1927 ہو گئی ہے۔

گزشتہ شب اے ایم یو کے جواہر لال نہرو میڈیکل کالج اور پرائیویٹ لیب سے آئی رپورٹ کے مطابق '18 پی ایس سی جوان، 7 بینک ملازمین سمیت 99 کورونا رپورٹ مثبت پائی گئی۔'

علی گڑھ میں کورونا وائرس کے مریضوں میں مسلسل اضافہ ہو رہا ہے۔

دراصل ان لاک کی وجہ سے بازاروں میں خاصی بھیڑ دیکھی جا رہی ہے اور سماجی دوری کا بھی خیال نہیں رکھا جا رہا۔

وہیں علی گڑھ کے ڈسٹرکٹ مجسٹریٹ چند بھوشن سنگھ نے ایک بار پھر عوام سے اپیل کی ہے کہ 'اپنے گھروں میں محفوظ رہیں۔ ضرورت پرنے پر ہی گھر سے باہر نکلے۔'