بارہ بنکی: کورونا مثبت کی دوسری رپورٹ منفی

ریاست اتر پردیش کے بارہ بنکی ضلع سے ایک بڑی خوش خبری ہے۔ یہاں کورونا پازیٹیو کے مریض کی دوسری رپورٹ نگیٹیو آئی ہے۔ اس کے ساتھ ہی اس کے کنبے کے تمام 11 افراد اور اس کے ایک قریبی کی رپورٹ بھی نگیٹیو آئی ہے۔ یہ تمام اطلاع خود ضلع مجسٹریٹ نے بیان جاری کر کے دی ہے۔

قابل غور ہے کہ یکم اپریل کو ضلع مجسٹریٹ کی ہدایت پر سرولی غوسپور تحصیل کے میلا رائے گنج گاؤں سے ایک شخص کو انسٹیٹیوشنل کوارنٹین میں بھیجا گیا تھا۔

جہاں تین اپریل کو اس کی رپورٹ مثبت پائی گئی تھی۔ اس کے بعد اسے سترکھ کی پی ایچ ایس سی میں کوارنٹین کیا گیا تھا۔

اس کے بعد مثبت مریض کے تمام اہل خانہ کو بارہ بنکی کے مییو میڈکل انسٹیٹیوٹ میں کوارنٹین کیا گیا تھا۔ ان تمام افراد کی رپورٹ بدھ کو منفی پائی گئی ہے۔

منثبت مریض کے ابھی اور بھی سیمپل جانچ کے لئے بھیجے جائیں گے۔ آگے کی تمام رپورٹس نیگیٹو پائے جانے کے بعد آگے کی کارروائی کی جائے گی۔