بارہ بنکی : صفائی ملازمین کے جذبے کو سلام

کووڈ-19 سے تحفظ کے لئے صاف صفائی ہی اہم مانی جا رہی ہے۔ اس کے لئے بڑے پیمانے پر تشہیری مہم بھی چلائی گئی ہے۔ لوگ بھی اپنی اور گھروں کی صفائی میں لگے ہیں۔

ریاست اتر پردیش کے ضلع بارہ بنکی میں کووڈ-19 کے خلاف لڑائی میں صفائی ملازمین جوش و جزبے کے ساتھ کام کر رہے ہیں۔

جنتا کرفیو کے پیش نظر جس وقت تمام افراد گھروں میں قید ہیں اس وقت یہاں کے صفائی ملازمین صاف صفائی کے کام میں مشغول ہیں۔ بغیر کسی خوف کے یہ صفائی ملازمین عوام کی خدمات کو انجام دے رہے ہیں اور کووڈ-19 کے خطرے سے نپٹنے کے اقدام کر رہے ہیں۔

دراصل کووڈ-19 سے تحفظ کے لئے صاف صفائی ہی اہم مانی جا رہی ہے۔ اس کے لئے بڑے پیمانے پر تشہیری مہم بھی چلائی گئی ہے۔ لوگ بھی اپنی اور گھروں کی صفائی میں لگے ہیں۔

ایسے میں صفائی ملازمین کی اہمیت بڑھ گئی ہے۔ صفائی ملازم پورے شہر کی گندگی صاف کرنے میں جٹے ہیں۔

جنتا کرفیو کے پیش نظر لوگوں سے گھروں میں رہنے کی اپیل کی گئی ہے۔ لیکن یہ صفائی ملازمین گندگی کے درمیان صفائی میں مشغول ہیں۔ باوجود اس کے کہ انہیں اس بات کا علم ہے کہ کووڈ-19 گندگی سے ہی انسان کو متاثر کرتا ہے۔ اس کے باوجود وہ لوگ صفائی میں لگے ہیں۔