مرادآباد میں بلیک فنگس کے سات مریضوں کی تصدیق

بلیک فنگس بیماری کے مریضوں کی تعداد میں اضافہ کو دیکھتے ہوئے محکمہ صحت کی جانب سے روک تھام کے لئے متعدد اقدامات کئے جارہے ہیں۔

ملک بھر میں بلیک فنگس بیماری کے مریضوں کی تعداد میں مزید اضافہ ہورہا ہے، اس کے پیش نظر بیماری کی روک تھام کے لیے محکمہ صحت کی جانب سے متعدد اقدامات کئے جارہے ہیں۔

اس دوران مرادآباد سیول لائن ہاسپٹل کے اے سی ایم او دنیش کمار پریمی نے ای ٹی وی بھارت سے گفتگو کرتے ہوئے بتایا کہ مرادآباد میں اب تک بلیک فنگس کے سات مریض سامنے آ چکے ہیں۔ جن میں سے چھ مریضوں کا علاج کیا جارہا ہے اور ایک مریض کو میرٹ ریفر کیا گیا ہے۔

انہوں نے بتایا کی بلیک فنگس کے مریضوں کے لئے میرٹ میں ایک سینٹر بنایا گیا ہے جہاں بلیک فنگس کے مریضوں کو ریفر کیا جارہا ہے۔

مرادآباد سول لائن ہسپتال میں بلیک فنگس کے مریضوں کی علاج کے لیے تمام سہولیات مہیا ہے، ساتھ ہیں بلیک فنگس کے مریضوں کو پرائیویٹ ہسپتال میں بھی علاج کیا جاسکتا ہے۔