ریاست اترپردیش کے ضلع مرادآباد سمیت پورے ملک میں آٹھ اکتوبر کو چہلم کا جلوس نکالا جائے گا۔
اس سلسلے کے تعلق سے ریاست اترپردیش کے مرادآباد کے تھانہ اگوان پور تھانہ منا ٹھیر اور کئی تھانوں پر پولیس اور ضلع انتظامیہ نے شہر کے ذمہ داران اور علماء کے ساتھ ایک میٹنگ کی۔
مرادآباد ایس پی دیہات ودیا ساگر نے میڈیا سے بات چیت کرتے ہوئے کہا کہ کورونا وائرس بیماری کی وجہ سے کسی کو بھی چہلم کا جلوس نکالنے کی اجازت نہیں دی گئی ہے، لہذا لوگ اپنے گھروں میں ہی رہیں۔
خیال رہے کہ حضرت امام حسین کا آٹھ اکتوبر کو چہلم ہے۔ اسی سلسلے کے تعلق سے جگہ جگہ تعزیے جلوس نکالے جاتے ہیں لیکن اس برس کورونا وائرس کی بیماری کے پیش نظر پولیس اور ضلع انتظامیہ نے چہلم کا جلوس نہ نکالے جانے کا حکم دیا ہے۔