اجتماعی جنسی زیادتی، دو نابالغ ملزمین کے خلاف کیس درج

اترپردیش میں ضلع پرتاپ گڑھ میں تھانہ کوتوالی لال گنج پولیس نے ایک بچی کی اجتماعی جنسی زیادتی کرنے کے معاملے میں جمعہ کی رات میں دو نابالغ ملزمین کے خلاف کیس درج کیا ہے۔

لال گنج کے ڈی ایس پی رمیش چندر نے بتایا کہ بہوچرہ گاوں کی ایک 8 سالہ لڑکی، گزشتہ 2/ ستمبر کو کسی کام کے لیے اپنے گھر سے باہر نکلی تھی۔

تب ہی گاوں کا شیوا (14) اور نیتک (13) دونوں نے اسے پکڑا اور تنہائی میں لے جا کر اس کی اجتماعی جنسی زیادتی کی۔

متاثرہ لڑکی نے گھر پہونچ کر اہل خانہ کو اس واقعہ کی اطلاع دی اور اسے علاج کے لیے ایک نجی نرسنگ ہوم میں داخل کرادیا گیا ہے۔

اہل خانہ کی شکایت پر کیس درج کرکے ملزم شیوا کو گرفتار کر لیا گیا ہے جبکہ دوسرے ملزم کی تلاش جاری ہے۔