لکھنئو: ایس پی کارکنان کے خلاف مقدمہ درج

ریاست اترپردیش کے دارالحکومت لکھنئو میں یوم جمہوریہ کے موقع پر سماجوادی پارٹی کے کارکنان نے زرعی قوانین کے خلاف احتجاج کیا تھا۔

یوم جمہوریہ کے موقع پر لکھنئو میں ایس پی کارکنان نے زرعی قوانین کے خلاف احتجاج کیا تھا۔پولیس نے ایس پی رہنما و شہری صدر سشیل دکشت سمیت 60 نامزد اور 40 نا معلوم افراد پر مقدمہ درج کیا ہے۔

گزشتہ روز گومتی نگر پاور ہاؤس چوراہے کے پاس سماجوادی پارٹی کے کارکنان نے زرعی قوانین کے خلاف احتجاج کیا تھا۔ اسی دوران ایس پی کارکنان نے ٹریکٹر لے کر سڑکیں جام کردی تھی۔وہیں صدر تحصیل کا محاصرہ کرنے جارہے ایس پی کارکنان کا پولیس سے تنازع بھی ہوا تھا۔

گوتم نگر تھانے میں ایس پی کارکنان کے خلاف آئی پی سی کی دفعہ 145،147،188،269،341،353 کے تحت مقدمہ درج کیا گیا ہے۔