مرادآباد: احتجاج کرنے والوں پر مقدمہ درج

شہریت ترمیمی قانون کے خلاف ریاست اترپردیش کے مرادآباد عید گاہ میدان میں ہزاروں کی تعداد میں مردوں کے ساتھ عورتوں نے جلوس نکال کر دہلی کے شاہین باغ کی طرز پر احتجاج کیا۔

شہریت ترمیمی قانون کے خلاف اس احتجاج کی اطلاع ملتے ہی ضلع انتظامیہ بھی موقع پر پہنچ گیا اور احتجاج پر بیٹھے لوگوں کو سمجھانے کی کوشش کی لیکن انہوں نے انتظامیہ کی بات کو ماننے سے انکار کر دیا۔

این آر سی اور سی اے اے کی مخالفت کرنے پر پولیس نے تقریباً 620 لوگوں کے خلاف مقدمہ درج کیا ہے۔

پولیس کا الزام ہے کہ انہوں نے دفعہ 144 کی خلاف ورزی کی ہے۔ پولیس نے جن لوگوں پر مقدمہ درج کیا ہے ان میں کانگریس کے سابق مہانگر صدر اسد مولائی اور کانگریس کے موجودہ مہانگر صدر رضوان قریشی کا نام بھی شامل ہے۔

احتجاج کرنے پر 620 لوگوں کے خلاف مقدمہ درج

تقریباً 620 لوگوں کے خلاف دفعہ 145، 147، 188 اور 283 کے تحت تھانہ گل شہید میں مقدمہ درج ہوا ہے۔