امروہہ: لاک ڈاؤن کے پانچویں مرحلے میں بس خدمات بحال

اترپردیش کے ضلع امروہہ میں روڈ ویز بسیں بحال کر دی گئی ہیں۔ لیکن ابھی صرف ریاست بھر میں ہی چلانے کا فیصلہ کیا گیا ہے۔

ریاست اترپردیش کے ضلع امروہہ کے روڈ ویز بس ڈپو میں بسوں کی آمد ورفت شروع ہوگئی ہے۔ بس سروس کے بارے میں جانکاری فراہم کرتے ہوئے اسسٹنٹ ریجنل منیجر آر کے جوہری نے بتایا کہ حکومت کی گائیڈ لائن کے مطابق روڈ ویز بسوں کا کام شروع کر دیا گیا ہے۔ مسافر اب روڈ ویز بسوں کے ذریعے سفر کر سکیں گے۔ اس کے لیے حکومت کی طرف سے طے شدہ قاعدہ کے مطابق اب روڈ ویز بسیں صرف ریاست بھر میں ہی چلائی جائیں گی۔ پیشگی حکم تک اترپردیش سے باہر کی بسیں ریاستوں میں چل نہیں سکیں گی۔

انہوں نے بتایا کہ بسوں میں سفر کرنے والے تمام مسافروں کے لیے ماسک لگانا لازمی ہوگا۔ نیز، مسافروں کی تھرمل اسکریننگ کی جائیں گی اور انہیں سینیٹائزر کا بھی استعمال کرنا ہوگا تب ہی وہ بسوں میں سفر کرسکیں گے۔