بی جے پی رکن پارلیمان کا بیٹا فائرنگ میں زخمی

اترپردیش کے دارالحکومت لکھنؤ کے مڑیاؤں تھانہ علاقے میں بی جے پی رکن پارلیمان کوشل کشور کے 30 سالہ بیٹے آیوش کو بائیک سوار بدمعاشوں نے گولی ماری جس کے بعد آیوش کو ٹراما سینٹر میں داخل کرایا گیا ہے۔ منڈیا تھانہ علاقہ کے چھٹا میل علاقے میں یہ واردات ہوئی ہے۔ حملہ کرنے کے بعد بائیک سوار بدمعاش فرار ہو گئے۔

حالانکہ آیوش کے گولی لگنے کے معاملے میں پولیس نے نیا خلاصہ کیا ہے۔ پولیس کے مطابق آیوش نے خود پر گولی چلوائی ہے۔ فائرنگ کرنے والا آیوش کا سالا بتایا جا رہا ہے۔ فی الحال ملزم سالے کو حراست میں لے کر پوچھ گچھ کر رہی ہے۔ گولی لگنے کے بعد آیوش کو ٹراما سینٹر میں داخل کرایا گیا تھا۔ فی الحال آیوش کو ہسپتال سے چھٹی دے دی گئی ہے۔ اس واقعے کی اطلاع ملنے پر رکن پارلیمان کوشل کشور اور پولیس کے اعلیٰ افسران ٹراما سینٹر پہنچے تھے۔

لکھنؤ پولیس کمشنر ڈی کے ٹھاکر نے کہا کہ جس پستول سے گولی چلی تھی، اسے ہم نے برآمد کر لیا ہے۔ رکن پارلیمان کے بیٹے نے لو میرج کی تھی، اس کے بعد سے وہ اپنے والد سے الگ رہتا تھا، واقعے کو لے کر جانچ جاری ہے، ہم معلوم کرنے کی کوشش کر رہے ہیں کہ آخر اس نے اپنے سالے سے خود پر گولی کیوں چلوائی؟

ڈی سی پی نارتھ کا کہنا ہے کہ ابھی رکن پارلیمان کی طرف سے ہمیں کوئی تحریر نہیں ملی ہے۔ جب تحریر ملے گی تو اس حساب سے کارروائی کی جائے گی۔ فی الحال پولیس اس پورے معاملے کی جانچ کر رہی ہے۔

پولیس کے مطابق آیوش 02.45 بجے مڑیاؤں ہو کر گھر لوٹ رہے تھا۔ چھٹا میل کے پاس اس پر فائرنگ کی گئی۔ گولی آیوش کے دائیؓ ہاتھ میں لگی ہے۔ آیوش خطرے سے باہر بتایا جا رہا ہے۔