اتر پردیش کے بارہ بنکی میں جمعرات کو رپورٹ ٹو نیشن پروگرام کے تحت بی جے پی کے تمام عوامی نمائندوں کی موجودگی میں رکن پارلیمان اوپیندر سنگھ راوت نے مودی حکومت کی 8 برس کی کامیابیاں بتائیں۔اس موقع پر مودی حکومت کی اسکیمز کے10 مستفدین کو تہنیت پیش کی گئی۔ اس موقع پر رکن پارلیمان اوپیندر راوت نے کہا کہ وزیراعظم نریندر مودی ملک کا وقار بڑھانے میں لگے ہوئے ہیں۔ BJP Leaders on Modi Government Performance
بارہ بنکی کے شہر کے ضلع پنچایت کے آڈٹوریم میں ایک پریس کانفرنس سے خطاب کرتے ہوئے اوپیندر سنگھ راوت نے کہا کہ ملک میں گزشتہ 8 برس میں سیوا، سشاسن اور غریب بہبودی سے بی جے پی حکومت کے تئیں اعتماد میں اضافہ ہوا ہے۔ وزیراعظم نریندر مودی کی مدت کار تاریخی اور سخت فیصلے لینے کے لئے یاد رکھی جائے گی. انہوں نے کہا کہ مودی حکومت میں آخری پائیدان پر کھڑا شخص حکومت کی اسکیمز سے مستفید ہوکر خود مختاری اور خودداری سے زندگی بسر کر رہا ہے۔ انہوں نے گزشتہ 8 برس میں ضلع میں ہوئے کاموں کو بتایا۔انہوں نے ضلع میں سڑکوں کی تعمیر اور وزیراعظم رہائش اسکیم میں 60 ہزار مستفدین کو اپنی حکومت کی سب سے بڑی کامیابی بتائی اور کہا کہ ہماری حکومت 2022 تک سب کو مکان دینے کے لئے پرعزم ہے۔
یہ بھی پڑھیں: Telangana Formation Day: تلنگانہ یوم تاسیس کے موقع پر وزیراعظم کی عوام کو مبارکباد