قومی دارالحکومت نئی دہلی کی سرحد سنگھو بارڈر پر بڑی تعداد میں کسان گذشتہ 18 دنوں سے دھرنا دیے ہوئے ہیں۔
وہیں ریاست اترپردیش کے ضلع بارہ بنکی میں نئے زرعی قوانین کے تعلق سے بھارتیہ جنتا پارٹی کسانوں کو سمجھانے کے لئے آئندہ 14 دسمبر 2020 سے ڈیویزنل ہیڈ کوارٹر پر کسان اجلاس منعقد کرے گی۔
کسان اجلاس میں بی جے پی کے اعلیٰ رہنماؤں کی شرکت متوقع ہے۔
بی جے پی کی جانب سے نئے زرعی قوانین کے مفاد کے بارے میں تفصیل سے جانکاری مہیہ کرائی جائے گی۔
بی جے پی ڈیویزنل ہیڈ کوارٹر پر کسان اجلاس
بی جے پی کے کسان مورچہ کے ریاستی جنرل سکریٹری سدھیر کمار سنگھ سدھو اور ضلع صدر سدھارتھ اوستھی نے اتوار کو ریاست اتر پردیش کے بارہ بنکی میں متحدہ پریس کانفرنس میں یہ اطلاع دی ہے۔
دونوں رہنماؤں کا الزام ہے کہ نئے زرعی قوانین کے خلاف کسانوں کو حذب اختلاف کی پارٹیاں اور ملک مخالف طاقتیں ورغلانے کا کام کر رہی ہیں۔