بجنور: شہد کی مکھیوں کے حملے سے کسان ہلاک

کسان رمیش چند اپنے کھیت سے جانوروں  کے لیے چارہ لینے گئے تھے لیکن اسی دوران اچانک شہد کی مکھیوں کے جھنڈ نے ان پر حملہ کرکے شدید زخمی کردیا۔

جانور کے لیے چارہ لینے گئے ایک کسان پر شہد کی مکھیوں کے جھنڈ نے حملہ بول دیا۔ شہد کی مکھیوں کے کاٹنے کی وجہ سے کسان بیہوش ہو گیا۔ علاج کے لئے ہسپتال لے جانے کے دوران ہی کسان کی موت ہو گئی۔

اتر پردیش کے ضلع بجنور کے تھانہ منڈاولی کے گاؤں جسپرالا کے کسان رمیش چند اپنے کھیت سے جانوروں کے لیے چارہ لینے گئے تھے لیکن اسی دوران اچانک شہد کی مکھیوں کے جھنڈ نے ان پر شدید حملہ کر کے انہیں لہولہان کردیا۔

مکھیوں کے کاٹنے کی وجہ سے وہ بے ہوش ہوگئے۔ ہسپتال لے جانے کے دوران راستے میں ہی رمیش نے دم توڑ دیا۔ اچانک ہوئی موت کے بعد کسان کے اہل خانہ کا برا حال ہے۔