بارہ بنکی: یوم مکمل انقلاب کے موقع پر سیمینار کا اہتمام

لوک نائک جے پرکاش نارائن کے ذریعے کیے گئے اعلان "یوم مکمل انقلاب" کے موقع پر بارہ بنکی میں سیمینار کا انعقاد کیا گیا جس میں شہر کے معزز لوگوں نے اپنے اپنے خیالات پیش کیے۔ 5 جون 1947 کے دن پٹنہ میں جے پرکاش نے یوم مکمل انقلاب کا نعرہ دیا تھا۔

اتر پردیش کے بارہ بنکی میں سنیچر کو لوک نائک جے پرکاش نارائن کے ذریعہ اعلان کیے گئے یوم مکمل انقلاب کے موقع پر "موجودہ دور میں مکمل انقلاب" کے موضوع پر سیمینار کا انعقاد کیا گیا جس میں مقررین نے آج کے روز کی تاریخ اور موجودہ دور میں مکمل انقلاب کی اہمیت پر اپنے خیالات کا اظہار کیا۔

گاندھی جینتی سمارو ٹرسٹ کی جانب سے سیول لائن واقع گاندھی بھون میں ہوئے اس سیمینار کی صدارت لوک تنتر سینانی کلیان سمیتی کے صدر رام سیوک یادو نے کی۔

سیمینار میں سابق ایم ایل سی وندھواسنی کمار بطور مہمان خصوصی شرکت کی، وہیں لوک تنتر سینانی اور سوشلسٹ رہنما دھیریندر کمار شریواستو نے سیمینار میں کلیدی مقالہ پیش کیا۔ سیمنار کی سرپرستی گاندھی جینتی سماروہ ٹرسٹ کے بانی پنڈت راج ناتھ شرما نے کی۔

واضح ہو کہ 5 جون 1974 کو لوک نائک جے پرکاش نارائن نے بدعنوانی کے خلاف پٹنہ کے گاندھی میدان سے "مکمل انقلاب" کا نعرہ دیا تھا۔