'حیدرآباد انکاؤنٹر کی جانچ ہونی چاہیے'

اتر پردیش کانگریس کے ریاستی ترجمان تنوج پنیا نے حیدرآباد میں جنسی زیادتی کے ملزمین کے انکاؤنٹر پر سوال کھڑے کئے ہیں۔

تنوج پنیا نے اس معاملے کی تحقیقات کا مطالبہ کیا ہے، ان کا کہنا ہے کہ ملزمین کی سزا کو تعین قانون کے تحت عدالت کے ذریعے ہونا چاہیے تھا۔

بارہ بنکی میں پریس کانفرنس کے بعد تنوج پنیا نے کہا کہ ملزمین کے انکاؤنٹر سے جنسی زیادتی کی شکار ڈاکٹر دیشا(نام قصداً تبدیل کیا گیا ہے) کے حامی خوش ضرور ہیں لیکن اس انکاؤنٹر کی تحقیقات ہونی چاہیے کہ ان ملزمین نے پولس سے ہتھیار کس طرح چھین لیے۔

انہوں نے کہا کہ ملزمین کو سزا دینے کا حق عدالت کا ہے اور یہ کوئی واحد معاملہ نہیں ہوگا اس کے بعد بھی ایسے معاملات ہوں گے اور اس میں بے گناہ بھی مارے جائیں گے۔