'مریضوں کو علاج کے لیے دور جانے کی ضرورت نہیں'

سماجی کاموں میں مسلسل سرگرم رہنے والی تنظیم ٹچ ووڈ فاؤنڈیشن کی جانب سے بارہ بنکی کے کیثروا گاؤں میں ضرورت مند مریضوں کے لیے مفت کلینک کا قیام کیا گیا ہے۔

اس کلینک میں دیہی علاقے کے مریضوں کا مفت علاج کیے جانے کے ساتھ ساتھ انھیں مفت دوا بھی فراہم کی جارہی ہے اور یہ تمام سہولیات اسی کیمپ میں دستیاب کرائی گئی ہیں۔

اور اب اس کلینک میں ہر اتوار کو 100 مریضوں کا علاج کیا جائے گا ساتھ ہی دیگر طبی جانچ بھی کی جائیں گی۔

ٹچ ووڈ فاؤنڈیشن ضلع کے سماجی کاموں میں پیش پیش رہنے والی تنظیم ہے، مذکورہ تنظیم پہلے اس قسم کے کلینک شہری علاقوں میں قائم کرتی تھی لیکن اب تنظیم کے اراکین کی کوشش ہے کہ وہ دیہی علاقوں میں بھی ضرورت مند مریضوں کو آسانی سے علاج اور تمام میڈکل سہولیات مفت میں فراہم کرسکیں۔