ریاست اترپردیش کے ضلع بارہ بنکی میں جب سے ٹرین کراسنگ کھلی ہے جب سے یہاں کے لوگوں کو آمد و رفت میں آسانی ضرور ہوئی ہے۔ لیکن یہاں کے لوگ گزرے دن یاد کر رہے ہیں۔ اور سب لوگ دعا کر رہے ہیں کہ جلد سے جلد یہ خطرہ ٹلے اور ان کی زندگی معمول پر آجائے۔
دراصل بنکی کراسنگ پر اس وقت جس قسم کا ماحول ہے اس سے کووڈ-19 کے خطرات اور اس سے بچنے کے لیے کیا جا رہا ہے۔ اقدام کی اہمیت کو سمجھا جا سکتا ہے کیوںکہ بارہ بنکی شہر کی ایک بڑی تعداد ابھی بھی اس خطرے کو سنجیدگی سے نہیں لے رہی ہے اور نہ ہی اس کے لیے کیے جا رہے اقدام کی اہمیت سمجھ رہی ہے۔ ابھی بھی لوگ سڑکوں اور چوراہوں پر جمع ہو کر گفتگو کر رہے ہیں جبکہ ان سے گھروں میں رہنے کی اپیل کی جا رہی ہے۔
بنکی کراسنگ کا نمونہ پیش کرنے کا مقصد یہی ہے کہ لوگ اس خطرے کو سمجھیں اور احتیاطی تدابیر اختیار کریں۔ بنکی ریلوے کراسنگ سے گزرنے والے زیادہ تر افراد اپنے گزرے وقت کو یاد کر رہے ہیں۔ وہ چاہتے ہیں کہ جلدی سے ریلوے کی آمد و رفت شروع ہو اور وہی شور و غل کا ماحول ہو۔ اس سے انہیں الجھن ضرور تھی لیکن اب وہ پرانے دن یاد کر رہے ہیں اور لوگوں سے اپیل کر رہے ہیں کہ گھروں میں رہے تاکہ اس خطرے سے بچا جا سکے۔
