بارہ بنکی: کانگریس پارٹی کی جانب سے ’دلت سمان دیوس‘ کا انعقاد

3 اگست 1947 کو اس وقت کے وزیراعظم پنڈت جواہر لال نہرو نے ڈاکٹر بھیم راؤ امبیڈکر کو اپنی کابینہ میں وزیر قانون بنانے کی تجویز رکھی تھی۔ کانگریس نے یہ کام اس وقت کیا تھا جب ڈاکٹرامبیڈکر ایوان کے رکن بھی نہیں تھے۔

دلت طبقے کو اپنی جانب راغب کرنے کے لیے کانگریس نے منگل کو دلت سمان دیوس منایا۔ دلت سمان دیوس اس دن کی مناسبت سے منایا گیا ہے جس دن پنڈت جواہر لال نہرو نے ڈاکٹر بھیم راؤ امبیڈکر کو اپنی کابینہ میں محکمہ قانون کے وزیر کے طورپر منتخب کیا تھا۔

اس موقع پر کانگریس پارٹی کی جانب سے نے قومی سطح پر مختلف پروگرامز کا انعقاد کر کے دلتوں کو یہ بتانے کی کوشش کہ کانگریس نے اس طبقے کے لیے کتنے اقدامات اٹھائے ہیں۔

کانگریس لیڈران نے بتایا کہ دراصل 3 اگست 1947 کو اس وقت کے وزیراعظم پنڈت جواہر لال نہرو نے ڈاکٹر بھیم راؤ امبیڈکر کو اپنی کابینہ میں وزیر قانون بنانے کی تجویز رکھی تھی۔ کانگریس نے یہ قدم اس وقت اٹھایاتھا جب ڈاکٹر امبیڈکر ایوان کے رکن بھی نہیں تھے۔

کانگریس پارٹی کی جانب سے قومی سطح پر دلت سمان دیوس منایا گیا۔ جس کے تحت ملک کے متعددریاستوں کے اضلاع میں مختلف پروگرامز کا انعقاد کیا گیا۔

اس موقع پر ریاست اتر پردیش کے ضلع بارہ بنکی کے جسمنڈہ گاؤں میں ریاستی کانگریس کے ایس سی ایس ٹی سیل کے صدر تنج پونیا کی قیادت میں دلت سمان یاترا نکالی گئی جس کا اختتام امبیڈکر استھل پر ان کے مجسمے پر گل پوشی کے بعد ہوا۔ اس قبل سے دلت طبقہ کے افراد کو اس دن کی اہمیت بتائی گئی۔