بہرائچ: سماجوادی پارٹی کا سی اے اے کے خلاف مظاہرہ

اترپردیش کے ضلع بہرائچ میں سماجوادی پارٹی کے ضلع عہدیدار و کارکنان نے کلیکٹریٹ پر متعدد مسائل کو لے کر مظاہرہ کیا اور میمورنڈم پیش کیا گیا۔

سماجوادی پارٹی کے سابق رکن اسمبلی رام تیج یادو اور کرشن کمار اوجھا کی قیادت میں آج کلیکٹریٹ میں مظاہرہ کیا گیا۔

اس تعلق سے رام تیج یادو نے بتایا کہ شہریت ترمیمی قانون (سی اے اے) ختم کیا جائے کیونکہ یہ مذہب کی بنیاد پر ملک کو بانٹنے والا قانون ہے۔

انھوں نے مزید کہا کہ اترپردیش میں جنگل راج قائم ہے اسے ختم کیا جائے، کسانوں کا قرض معاف نہیں کیا گیا، نوجوانوں کو زوگار نہیں، چینی ملیں کسانوں سے گنّا لیتی ہیں پر اس کی ادائیگی نہیں کرتی ہیں۔

اور سماجوادی کارکنان نے اس تعلق سے ایک میمورنڈم کلکٹریٹ کے پی آر او کو دیا گیا اور انھیں اس تمام مسائل سے آگاہ کیا گیا۔