بدایوں:غیر قانونی اسلحہ فیکٹری کا پردہ فاش

اترپردیش کے ضلع بدایوں کے اسہیت علاقے میں پولیس نے کچی شراب اور غیر قانونی اسلحہ فیکٹریوں کا پردہ فاش کرتے ہوئے آٹھ ملزمین کو گرفتار کیا ہے۔

پولیس ذرائع نے بتایا کہ اسہیت تھانہ پولیس نے سرکل افسر (اجھانی) انرودھ سنگھ کی قیادت میں دو غیر قانونی اسلحہ فیکٹریوں اور کچی شراب بنانے والے آٹھ افراد کو گرفتار کیا ہے۔ گرفتار افراد کے قبضے سے 18 غیر قانونی اسلحہ و کثیر مقدار میں کچی شراب ضبط کی گئی ہے۔

ایس ایس پی سنکلپ شرما نے بتایا کہ ضلع میں غیر قانونی اسلحہ اور کچی شراب بنانے والے افراد کے خلاف مہم چلائی جارہی ہے۔ اسی مہم کے تحت سی یاو اجھانی کے انرودھ سنگھ کی ہدایت پر اسہیت تھانہ پولیس نے کاروائی کی ہے۔ انہوں نے بتایا کہ پردہ فاش کرنے والی پولیس ٹیم کو 15 ہزار روپے کا انعام بھی دیا جائے گا۔