بدایوں: 'اسلام نے خواتین کو تحفظ فراہم کیا ہے'

اترپردیش کے ضلع بدایوں میں عالمی یوم خواتین اور اسلام میں تحفظ خواتین کے حوالے سے بات کرتے ہوئے ضلع کے معروف ڈاکٹر اتحاد عالم نے خواتین کے خلاف ریپ، جیہز و دیگر برائیوں اور اسلام میں تحفظ خواتین پر روشنی ڈالی۔

اترپردیش کے ضلع بدایوں میں یوم خواتین اور تحفظ خواتین کے حوالے سے بات کرتے ہوئے ضلع کے معروف ڈاکٹر اتحاد عالم کا کہنا تھا کہ مثال کے طور پر جنسی زیادتی کو ہی لے لیجئے ہمارے ملک میں اس کے خلاف سخت قانون بنتے ہیں لیکن کیا معاشرے میں ریپ سے متعلق مظالم کم ہو ئے؟

ان کا مزید کہنا تھا"جہیز کے حوالے سے بھی آج ہمارے معاشرے میں خواتین کے ساتھ مختلف قسم کا ظلم کیا جاتا ہے، آج ہم کو معاشرے کو صحیح کرنے کے لیے ذہنی طور پر لوگوں کی اصلاح کرنے کی ضرورت ہے۔ڈاکٹر صاحب نے مزید بتایا کہ اسلام نے خواتین کو ہر زمانہ اور ہر زمرے میں تحفظ فراہم کرتے ہوئے ان کی ذمہ داریوں کو ان کے والدین شوہر اور بھائی سب پر الگ الگ متعین کیا ہے۔واضح رہے کہ یوم خواتین کے حوالے سے دین اسلام میں خواتین کے تحفظ کو ہر مرحلے اور ہر زمانے میں ترجیح دی ہے اور اسلام ہی وہ مذہب ہے جس میں لڑکی کی پیدائش پر زیادہ خوشیاں منانے کا ذکر کیا گیا ہے۔