اعظم خان کو دونالی بندوق فروخت کرنے کی اجازت

سماجوادی پارٹی کے سینئر رہنما و رکن پارلیمان اعظم خان نے ڈسٹرکٹ مجسٹریٹ سے اپنی دو نالی بندوق فروخت کرنے کی اجازت طلب کی تھی۔

سیتاپور جیل میں بند رامپور کے رکن پارلیمان محمد اعظم خان نے رامپور ڈسٹرکٹ مجسٹریٹ سے ڈاک کے ذریعہ اپنی دو نالی بندوقیں فروخت کرنے کی اجازت طلب کی تھی، جسے منظور کرلیا گیا ہے۔ اب وہ اپنی دو نالی بندوقیں فروخت کر سکتے ہیں۔ اعظم خان نے یہ اجازت اسلحہ ایکٹ میں تبدیلی کی وجہ سے طلب کی تھی، جس میں کوئی بھی شخص دو سے زیادہ اسلحہ نہیں رکھ سکتا ہے۔

اعظم خان کے پاس ریوالور، رائفل، اور بندوق سمیت تین اسلحہ لائسنس تھے۔ جس میں سے وہ صرف دو ہی رکھ سکتے ہیں۔ اسی وجہ سے انہوں نے بندوق لائسنس سرینڈر کرنے کا فیصلہ کیا، اور 12 بور دونالی بندوق فروخت کرنے کی ڈسٹرکٹ مجسٹریٹ سے اجازت طلب کی تھی، جس پر سٹی مجسٹریٹ نے ان کو دونالی بندوق فروخت کرنے کی اجازت دے دی ہے۔

سٹی مجسٹریٹ رام جی مشرا نے بتایا کہ محمد اعظم خان نے دو نالی بندوق فروخت کرنے کی اجازت مانگی تھی۔ہم نے ڈاکٹ کے ذریعے انہیں اجازت دے دی ہے، ڈاک کے ذریعے سے ہی انہوں نے اجازت طلب کی تھی، اعظم خان کو بندوق فروخت کرنے کی ضرورت کیوں پڑی، اس پر سٹی مجسٹریٹ نے کہا کہ حکومت کے حکم کے مطابق تین لائسنس ایک ساتھ نہیں رکھ سکتے، اسی وجہ سے انہوں نے اپنا ایک لائسنس سرینڈر کرنے اور بندوق فروخت کرنے کی اجازت مانگی تھی۔