بچوں کو صحت مند بنانے کے لیے مہم

ریاست اترپردیش کے ضلع بارہ بنکی میں محکمہ بیسک تعلیم اور محکمہ اطفال ترقی اور تغذیہ کی جانب سے خواتین اور بچوں کو صحت مند بنانے کے لیے خصوصی مہم چلائی جارہی ہے۔

بارہ بنکی شہر کے پولیس لائین پرائمری اسکول اور آگن باڑی مرکز پر بچوں اور خواتین کو صحت مند بنانے کے لیے خصوصی مہم چلائی جا رہی۔

اس مہم میں بچوں اور خواتین میں غذائیت کی کمی کو دور کرنے کے لیے بیداری پروگرام کے ساتھ ان کی صحت کی جانبچ کرکے انہیں مناسب مشورہ بھی دیا جا رہا ہے۔

جس میں بچوں اور خواتین کو غذائیت کی کمی سے نکال کر صحت مند بنانے کے لئے تمام کام کئے جا رہے ہیں۔

بچوں کا وزن کیا جارہا ہے، ان کی لمبائی ناپی جا رہی ہے اور ہاتھ دھونے کا طریقہ بھی بتایا جا رہا، تاکہ بچے اور خواتین بیماریوں سے بچیں اور صحت مند ہوں۔

دوسری جانب پولیس کے پرائمری اسکول میں بچوں کو صحت مند رکھنے کے لئے 15 روزہ صحت پروگرام کا اہتمام کیا گیا ہے۔ اس کے تحت بچوں کو صاف۔ صفائی کی باتیں بتانے کے ساتھ انہیں کئی مقابلوں کے ذریعہ صحت کے مسئلے پر بیدار کیا جا رہا ہے۔

ان دونوں مہم سے اسکولی طلبہ کافی خوش ہیں اور وہ صحت جیسے حساس موضوع پر بیدار بھی ہو رہی ہیں۔