جونپور: کورونا وبا کے دوران علیگڑھ مسلم یونیورسٹی میں بڑے تعداد میں اساتذہ کا انتقال ہوا جو علمی حلقے کے لیے ایک بڑا خسارہ ہے اور ان کے رحلت سے تعلیمی میدان میں جو ایک خلا پیدا ہوا ہے اس کا پر ہونا ناممکن ہے۔
اس سلسلے میں ای ٹی وی بھارت سے بات کرتے ہوئے پروفیسر ڈاکٹر ریحان اختر قاسمی نے کہا کہ 'کورونا وبا کے دوران علیگڑھ مسلم یونیورسٹی کے جتنے بھی اساتذہ کا انتقال ہوا ہے وہ علمی حلقے کے لیے بڑا خسارہ ہے کیونکہ وہ اپنے اپنے میدان کا بڑا نام تھے، ان کے رحلت سے تعلیمی میدان میں جو ایک خلا پیدا ہوا ہے اس کا پر ہونا ناممکن ہے۔
انہوں نے مسلمانوں میں تعلیمی بیداری Muslims need for education کے تعلق سے کہا کہ 'ان کے اندر تعلیم کے تعلق سے حساسیت تو ضرور پیدا ہوئی ہے، لیکن ان کے اندر اس بات کی کمی دیکھی گئی ہے کہ وہ اپنے آئندہ کی چیزوں کو منصوبہ بند طریقہ سے کیسے انجام دیں، کیونکہ ہمارے ضلع جونپور میں جو کالجز اور ملی اداریں ہیں ان میں مقابلہ جاتی امتحان ہیں مسلمانوں کی فیصد بہت ہی کم ہیں اس لیے ان کو بہتر رہنمائی کی ضرورت ہے تاکہ وہ اس شہر کے ساتھ ملت کی بھی نمائندگی کرسکیں۔
ریحان اختر نے مسلمانوں کی سیاسی صورتحال کے تعلق سے کہا کہ 'جب بھی الیکشن قریب آتا ہے تو مسلمانوں کی نمائندگی کو لیکر طرح طرح کے سوال اٹھنے لگتے ہیں۔ مسلمانوں کے ساتھ یہ سب سے بڑا المیہ رہا ہے کہ وہ پورے پانچ سال تک خواب غفلت میں رہتے ہیں اور الیکشن سے دو ماہ قبل بیدار ہوتے ہیں اور کہتے ہیں کہ ہمیں اس الیکشن میں حصہ داری چاہیے جبکہ حصہ داری لینے کے لئے آپ کو پانچ سال نہیں بلکہ پانچ صدی بھی لگ سکتی ہے، قربانیاں بھی دینی پڑ سکتی ہے۔