بارہ بنکی: ٹریفک قوانین کے تئیں بیداری مہم

بارہ بنکی میں بغیر ہیلمیٹ کے بائک چلا رہے بائک سواروں میں ہیلمیٹ تقسیم کرکے ٹریفک قوانین کے تئیں عوام کو بیدار کیا گیا۔

اتر پردیش میں بارہ بنکی کے دھنوکھر چوراہے پر آج متعدد تنظیموں کی جانب سے بغیر ہیلمیٹ کے بائک چلا رہے لوگوں میں مفت ہیلمیٹ تقسیم کیا گیا۔

اس دوران شہر میں بہتر ٹریفک نظام اور عمدہ نظم و نسق کے لئے پولیس سپریٹینڈنٹ یمونا پرساد، اے ایس پی ساؤتھ منوج پانڈے، اے ایس پی نارتھ اودھیش سنگھ، سی او سیٹی سیما یادو، سی او صدر رام سورت سونکر اور دیگر پولیس اہلکاروں کو اعزاز سے سرفراز کیا گیا۔

اس موقع پر پولیس سپریٹینڈنٹ یمونا پرساد نے کہا کہ سماج کے مختلف شعبوں نے پولیس کے کاموں پر مہر لگائی ہے جس سے وہ کافی خوش ہیں۔

انہوں نے اس اعزاز کے لئے تمام تنظیموں کا شکریہ ادا کیا اور کہا کہ اس اعزاز کے بعد ان کے کندھوں پر اور بھی ذمہ داری پڑھ گئی ہے۔