لاک ڈاؤن کی خلاف ورزی کر رہے لوگوں نے پولیس پر حملہ کر دیا پولیس کے مطابق 'شام کے وقت یہ اطلاع ملی تھی کہ کچھ دکاندار اور ٹھیلے والے لاک ڈاؤن کی خلاف ورزی کر رہے ہیں۔ انہوں نے لوگوں کی بھیڑ لگا رکھی ہے۔'
اس اطلاع پر پولیس اہلکار جتندر نے موقع پر جا کر بھیڑ کو ہٹانے کی کوشش کی۔ چنانچہ ہجوم نے سپاہی کو گھیر لیا اور اس کے ساتھ مار پیٹ کی کوشش کی گئی۔
اطلاع ملتے ہی اعلی افسران فورس کے ساتھ موقع پر پہنچ گئے اور فلیگ مارچ کرتے ہوئے لوگوں سے لاک ڈاؤن کی خلاف ورزی نہ کرنے کی اپیل کی۔
موقع پر پہنچے ایس پی سٹی امیت آنند نے کہا کہ 'ملزم کے خلاف مقدمہ درج کیا جارہا ہے۔ ملزمان کے خلاف کارروائی کی جائے گی۔'
