ریاست اترپردیش کے ضلع میرٹھ میں یوپی اے ٹی ایس نے شہریت ترمیم قانون کے خلاف لوگوں کو مشتعل کرنے کے الزام میں پی ایف آئی کے ضلعی صدر شہزاد کو گرفتار کیا ہے۔ شہزاد پر سی اے اے سے متعلق قابل اعتراض پوسٹر کو تقسیم کرنے کا الزام ہے۔
اترپردیش اے ٹی ایس نے تھانہ نوچندی علاقے سے پی ایف آئی کے ضلعی صدر شہزاد کو گرفتار کیا ہے، گزشتہ 20 دسمبر کو میرٹھ میں ہوئے تشدد معاملہ میں شہزاد کو ملزم قرار دیا گیا ہے۔
ضلع میں شہریت ترمیم قانون کی مخالفت کو لیکر ہوئے تشدد کے دوران قابل اعتراض پوسٹر تقسیم کرنے کے لئے پی ایف آئی کو ذمہ دار قرار دیا گیا ہے۔
سی اے اے کی مخالفت میں ہوئے مظاہرے کے دوران تشدد معاملہ میں اترپردیش اے ٹی ایس کی ٹیم نے چھاپہ ماری کی کاروائی کرتے ہوئے پی ایف آئی کے ضلعی صدر کو گرفتار کر لیا ہے۔
اے ٹی ایس نے شہزاد کو مرادنگر کے نزدیک سے گرفتار کیا ہے، تھانہ نوچندی پولیس نے شہزاد کے خلاف مقدمہ درج کرلیا ہے، اس کے علاوہ شاستری نگر میں واقع پی ایف آئی کے دفتر کو بھی سیل کر دیا ہے۔