اے ٹی ایم کارڈز سے دھوکہ دینے والے بدمعاش گرفتار

امروہہ میں پولیس نے اے ٹی ایم کارڈز سے لوگوں کو دھوکہ دہی کا شکار بنانے والے گروہ کے تین افراد کو گرفتار کیا ہے، ملزمین کے پاس سے پولیس نے 38 اے ٹی ایم کارڈز سمیت غیرقانونی اسلحہ برآمد کیا ہے۔

ریاست اترپردیش کے ضلع امروہہ میں اے ٹی ایم کارڈز سے لوگوں کو دھوکہ دہی کا شکار بنانے والے گروہ کے تین شاطر بدمعاشوں کو رجب پور تھانہ پولیس نے گرفتار کیا ہے۔

اس تعلق سے ایڈیشنل سپرنٹنڈنٹ اجے پرتاپ سنگھ نے بتایا کہ 'اقبال، شاہ رخ اور مصطفیٰ کو گرفتار کیا گیا ہے جو شاطر قسم کے ٹھگ ہیں۔ یہ لوگ کم بھیڑ والے اے ٹی ایم میں جاکر لوگو سے دھوکہ دہی کرکے پیسہ نکال لیا کرتے تھے۔ زیادہ تر یہ لوگ سیدھے سادھے لوگوں کو نشانہ بناتے تھے۔' گرفتار بدمعاشوں کے پاس سے 38 اے ٹی ایم کارڈز، 7500 روپے نقد، واقعے میں استعمال کی جانے والی گاڑی اور غیر قانونی اسلحہ برآمد ہوا ہے۔