Umesh Pal Murder Case عتیق احمد کی بیوی نے امیش پال قتل کیس کی سی بی آئی انکوائری کا مطالبہ کیا

عتیق احمد کی بیوی شائستہ پروین نے اتوار کو سی ایم پورٹل پر ایک درخواست دے کر امیش پال قتل کیس کی سی بی آئی سے جانچ کروانے کا مطالبہ کیا۔ Shaista Parveen Wrote Letter to CM Yogi

پریاگ راج: امیش پال قتل معاملے میں عتیق احمد کی بیوی شائستہ پروین نے اتوار کو سی ایم پورٹل پر ایک درخواست جمع کرائی۔ انہوں نے امیش پال قتل کیس کی جانچ سی بی آئی سے کرانے کا مطالبہ کیا۔ اس خط میں انہوں نے لکھا کہ اترپردیش پولیس عتیق احمد کا قتل کروا سکتی ہے۔ شائستہ نے یہ خط سی ایم یوگی کو رجسٹرڈ ڈاک کے ذریعے بھیجا ہے۔ عتیق احمد کے وکیل شولت حنیف کا کہنا ہے کہ شائستہ پروین نے وزیر اعلی یوگی آدتیہ ناتھ کو ایک خط لکھا ہے جس میں انہوں نے لکھا کہ امیش پال قتل کیس سے ان کا یا ان کے خاندان کا کوئی لینا دینا نہیں ہے۔ اس معاملے میں پورے خاندان کو زبردستی پھنسایا جا رہا ہے۔ ایف آئی آر میں ان کا نام بھی شامل ہے۔ پولیس متاثرہ خاندان کے ساتھ ساز باز کر رہی ہے اور انہیں زبردستی پھنسانے کی کوشش کی جا رہی ہے۔ شائستہ نے لکھا کہ عتیق احمد کی جان کو خطرہ ہے۔

عتیق احمد کی بیوی شائستہ پروین نے اپنے خط میں پریاگ راج کے دو بڑے افسران پر بھی سنگین الزامات لگائے ہیں۔ شائستہ پروین نے لکھا کہ پریاگ راج زون کے اے ڈی جی اور آئی جی عتیق احمد کے مخالفین کے ساتھ مل کر سازش کر رہے ہیں۔ دونوں ان کے بیٹوں کو جھوٹے مقدمات میں پھنسانے کی کوشش کر رہے ہیں۔ عتیق احمد کی بیوی نے لکھا کہ پریاگ راج کے آئی جی الیکشن لڑنا چاہتے ہیں۔ آئی جی پریاگ راج میں مجرموں کو اپنے دفتر میں بٹھا کر کافی پلاتے ہیں۔ انہوں نے سی ایم یوگی سے امیش پال قتل کیس کی منصفانہ تحقیقات کا مطالبہ کیا۔ انہوں نے وزیر اعلی یوگی آدتیہ ناتھ سے ملاقات کے لیے وقت مانگا ہے۔ شائستہ کا کہنا ہے کہ اگر وزیر اعلی یوگی آدتیہ ناتھ ان سے ملنے کا وقت دیتے ہیں تو وہ ان کے سامنے اپنے دلائل پیش کریں گی اور انصاف مانگیں گی۔