حکومت ہند کی اگنی پتھ اسکیم کے بعد خراب ہوتے حالات کے پیش نظر آج ضلع کلکٹریٹ کے آڈیٹوریم میں پولس کمشنر آلوک سنگھ اور ضلع مجسٹریٹ سوہاس ایل وائی نے سابق فوجی تنظیموں کے نمائندوں کے ساتھ ایک اہم میٹنگ طلب کی۔ جس میں سابق افسران اور سابق فوجی تنظیموں کے نمائندوں سے بھی اس سلسلے میں تجاویز لی گئیں۔ اس موقع پر پولیس کمشنر آلوک سنگھ نے کہا کہ آپ نے ملک کے لیے باوقار خدمات انجام دیں ہیں۔، آج پھر آپ کے تعاون کی ضرورت ہے۔ Appeal for help from military organizations related to Agnipath scheme
فوجی تنظیموں سے مدد کی اپیل اگنی پتھ اسکیم کے تعلق سے پولس کمشنر آلوک سنگھ سابق فوجی تنظیموں کے نمائندوں سے کہا کہ آپ بچوں کے لیے رول ماڈل کے طور پر کام کر سکتے ہیں۔ انہوں نے کہا کہ سابق فوجی تنظیموں کے نمائندے اپنے اپنے علاقوں کے نوجوانوں کو اگنی پتھ اسکیم کے بارے میں تفصیلی معلومات فراہم کرکے ان کی غلط فہمیوں کو دور کر سکتے ہیں، اس اہم میٹنگ میں جوائنٹ کمشنر آف پولیس لو کمار،کرنل شیلیندر پرتاپ سنگھ، ویٹرن ایکشن گروپ نوئیڈا کے نمائندے، آل انڈیا سابق فوجیوں کی سیوا سمیتی کے صدر اور نمائندے،پورو فوجی وکاس سمیتی جیور کے صدر بلویر سنگھ چوہان،کلیان سمیتی کے سابق فوجی چیئر مین بھو دیو سنگھ، NEXCC کے نریندر سنگھ اور دیگر نمائندے موجود تھے۔
سابق فوجی تنظیموں کے نمائندے میٹنگ میں اپنی تجاویز پیش کی، ساتھ ہی انتظامیہ اور پولیس کے عہدیداروں کو یقین دلایا کہ اپنے اپنے علاقوں میں بڑے پیمانے پر میٹنگ منعقد کرکے نوجوانوں کو اگنی پتھ اسکیم کے بارے میں آگاہ کیا جائے گا۔
