ریاست اترپردیش کے سہارنپور کے ایس ایس پی دنیش کمار نے آج ہاٹ اسپاٹ علاقے سے چھپ کر شراب لینے جا رہے لوگوں کو خبردار کرتے ہوئے کہا ہے کہ 'کوئی بھی فرد ہاٹ اسپاٹ علاقے کے باہر پایا گیا تو اس کے خلاف سخت کارروائی کی جائے گی'، ساتھ ہی انہوں نے ہاٹ اسپاٹ علاقوں میں رہنے والے لوگوں سے گھروں میں رہنے کی اپیل کی ہے۔
اطلاعات کے مطابق ریاست میں چار مئی سے شراب کی دکانیں کھولنے کی اجازت دی گئی ہے،اور شراب کی دکانوں کا کھلنے کا وقت صبح دس بجے سے شام سات بجے تک مقرر کیا گیا ہے،جس کی وجہ سے شراب کی دکانوں پر کل سے کافی بھیڑ دیکھنے کو مل رہی ہے۔
چھپ کر شراب خریدنے جا رہے لوگوں پر کاروائی کی جائے گی
ہاٹ اسپاٹ علاقے سے چھپ کر شراب خریدنے جا رہے لوگوں پر سخت کاروائی کی جائے گی
وہی شراب کی دکانیں ہاٹ اسپاٹ علاقے کے باہر والے علاقے میں ہی کھولی گئی ہے، جس کی وجہ سے ہاٹ اسپاٹ علاقوں میں رہنے والے کچھ فرد چھپ کر شراب خریدنے جارہے ہیں، اس کی جانکاری ملنے پر آج ایس ایس پی دنیش کمار نے چھپ کر شراب خریدنے جا رہے لوگوں کو خبردار کرتے ہوئے کہا کہ 'جو لوگ ہاٹ اسپاٹ علاقوں سے نکل کر شراب خریدنے جارہے ہیں۔ان میں سے کسی بھی فرد کو علاقے کے باہر پایا گیا تو ان کے خلاف سخت کارروائی کی جائے گی۔'
ساتھ ہی انہوں نے ہاٹ اسپاٹ علاقوں میں رہنے والے لوگوں سے گھروں میں رہنے کی گزارش کی ہے ۔