بنارس: نہرو یوا کیندر کے زیر اہتمام بیداری پروگرام کا انعقاد

نہرو یوا کیندر کے زیر اہتمام ایک پروگرام کا انعقاد کیا گیا جس میں نرمل جل اور سوچھ بھارت مشن کے حوالے سے نوجوانوں کو بیدار کیا گیا۔

اترپردیش کے ضلع بنارس کے کمشنر آڈیٹوریم میں نہرو یوا کیندر کے زیر اہتمام آج ایک پروگرام کا انعقاد کیا گیا جس میں' آتم نربھر بھارت 'نرمل جل اور سوچھ بھارت مشن کے حوالے سے نوجوانوں کو بیدار کیا گیا اور اس کے فوائد بتائے گئے۔

اس پروگرام میں مہمان خصوصی کے طور پر بنارس زون کے کمشنر دیپک اگروال نے شرکت کی اور نوجوانوں کو پانی کے تحفظ اور آتم نربھر بھارت بنانے کی جانب بڑھ چڑھ کر حصہ لینے کی اپیل کی۔ پروگرام میں ضلع کے مختلف علاقوں کے نوجوانوں نے بڑی تعداد میں شرکت کی۔

پروگرام میں متعدد نوجوانوں کو ایوارڈ سے بھی نوازا گیا جنہوں نے گزشتہ دنوں سوچھ بھارت مشن کے حوالے سے نمایاں کارکردگی کا مظاہرہ کیا ہے۔
مزید پڑھیں:

نہرو یوا کیندر کے افسر نکھل گپتا نے بتایا کہ 'اس محکمہ کی جانب سے حکومت کی فلاحی و ترقیاتی منصوبے سے نوجوانوں کو روبرو کرایا جاتا ہے اور ان کو کھیلو انڈیا کے تحت کھیل کے مختلف میدانوں میں شامل ہونے کو کہا جاتا ہے۔