ریاست اترپردیش میں بدایوں کے ضلع ہسپتال میں علاج کے دوران ہوئی ایک شخص کی موت کے بعد ہسپتال انتظامیہ کی جانب سے ایمبولنس دستیاب نہیں کرائے جانے کے سبب مہلوک کے اہل خانہ نے لاش کو رکشہ پر لے کر پوسٹ مارٹم ہاؤس پہنچے ۔
اطلاعات کے مطابق سڑک حادثے میں زخمی ہوئے ایک شخص کو علاج کے لئے بدایوں کے ضلع اسپتال میں داخل کرایا گیا تھا ۔
جہاں گزشتہ روز علاج کے دوران اس کی موت ہوگئی۔ موت کے بعد لاش کو پوسٹ مارٹم ہاؤس لے جانے کے لئے اہل خانہ نے انتظامیہ سے ایمبولنس کا مطالبہ کیا۔ لیکن انتظامیہ کی جانب سے ایمبولنس مہیا نہیں کرایا گیا ۔
لہذا متوفی کے لواحقین نے لاش کو رکشہ پر رکھ کر پوسٹ مارٹم ہاؤس پہنچے اس دوران کسی نے اس واقعے کی ویڈیو بناکر سوشل میڈیا پر وائرل کردی، جس کے بعد سے محکمہ صحت بدایوں پر کئی سوالات اٹھ رہے ہیں۔