علی گڑھ: اے ایم یو طلبہ کا 'سلی ڈیل ایپ' بنانے والوں کے خلاف کارروائی کا مطالبہ

(اے ایم یو) طلبہ نے 'سلی ڈیل ایپ' اور ایپ بنانے والوں کے خلاف آج احتجاج کرکے ان کے خلاف کارروائی کا مطالبہ کیا اور صدر جمہوریہ کے نام یونیورسٹی پراکٹر کو ایک میمورنڈم پیش کیا۔

علی گڑھ مسلم یونیورسٹی (اے ایم یو) طلبہ نے 'سلی ڈیل ایپ' اور ایپ بنانے والوں کے خلاف آج احتجاج کرکے ان کے خلاف کاروائی کا مطالبہ کیا۔ صدر جمہوریہ کے نام یونیورسٹی پراکٹر کو ایک میمورنڈم پیش کیا۔

اس دوران طلبہ کا کہنا تھا کہ 3 ماہ قبل ایک ایسی ایپ بنائی گئی تھی جس کے ذریعے مسلم خواتین کو کپڑوں کے مانند فروخت کیا جارہا تھا، اس ایپ کے خلاف 3 ماہ قبل ایف آئی آر درج کرائی گئی تھی، جس کے بعد 'سلی ڈیل ایپ' کو تو بند کردیا گیا لیکن اب تک اس ایپ سے منسلک کسی بھی شخص کی گرفتاری نہیں کی گئی۔

اے ایم یو طلبہ کا 'سلی ڈیل ایپ' بنانے والوں کے خلاف کاروائی کا مطالبہ

طلبہ نے سلی ڈیل ایپ کے خلاف احتجاج کے دوران نعرے بازی کرتے ہوئے کہا کہ ایک طرف موجودہ حکومت مسلم خواتین کی تحفظ اور ان کے بہتر مستقبل کی بات کرتی ہے اور دوسری جانب مسلم خواتین کو کپڑوں کے مانند فروخت کرنے والے ایپ کے خلاف کوئی کاروائی نہیں کرتی۔

اے ایم یو طلبہ کا 'سلی ڈیل ایپ' بنانے والوں کے خلاف کاروائی کا مطالبہ

• مزید پڑھیں:آشیش کے ابّا جان کومودی کابینہ سے کیوں نہیں ہٹایا جارہا ہے: اویسی

احتجاج میں شامل کچھ طلبہ کا کہنا تھا کہ کچھ لوگ ملک میں مسلمانوں اور اسلام کی غلط تصویر پیش کرکے مسلمانوں کو بدنام کرنے کی کوشش کررہے ہیں۔ ان ناپاک لوگوں کی ناپاک کوشش کو ہم کامیاب نہیں ہونے دیں گے۔