ریاست اترپردیش کے شہر علی گڑھ میں واقع معروف علی گڑھ مسلم یونیورسٹی (اے ایم یو) کے جواہر لعل نہرو میڈیکل کالج (جے این ایم سی) پرنسپل کے ذریعے ارسال کردہ سفارش کے مطابق ڈاکٹر محمد کاشف کو عارضی صدر اور ڈاکٹر سوربھ پاٹھک کو عارضی خازانچی مقرر کیا گیا ہے۔
کووڈ-19 کے پیش نظر ریذیڈنٹ ڈاکٹرز اسٹیشن (آر ڈی اے) کے انتخابات کرانا ممکن نہیں ہے اس لیے آر ڈی اے کے صدر ڈاکٹر حمزہ ملک کی سفارش پر اے ایم یو وائس چانسلر پروفیسر طارق منصور نے آر ڈی اے کے عارضی صدر اور عارضی خازانچی کی تقرری کی توثیق کی ہے۔
ریسیڈنٹ ڈاکٹرز ایسوسی ایشن آر ڈی اے کے صدر ڈاکٹر حمزہ ملک نے بتایا کہ 'ہم نے کئی مرتبہ وائس چانسلر پروفیسر طارق منصور کو خط لکھ آر ڈی اے کے انتخابات کرانے کے لیے کہا لیکن کورونا وائرس کے سبب انتخابات ممکن نہیں ہوپا رہے جس کی وجہ سے ہم نے خصوصی اختیارات کا استعمال کرتے ہوئے عارضی صدر اور عارضی خزانچی کی تقرری کے لیے ایک خط بھیجا تھا۔